Святочне «З повагом», просит Павел Малецкій – неділя, 20.00 год.

Просиме слухати святочне выданя проґраму «З повагом». Буде то успокаяюча, реляксуюча музика, яка односит ся до різвдяных свят, а выдумана найліпшыма композиторами клясичной музикы.

Запрезентувана буде велика колекция знаных святочных пісен або творів, співаных і выконуваных в ХХ ст. Каждый твір то выступ выдатных артистів, хорів і ансамблів. Попри великых оркєстровых творах Вівальді ци Баха, будут коляды і гымны в выконаню світовой клясы оперовых співаків. В проґрамі почуєте композициі Брамса, Берліоза, Чеснокова, Бріттена ци Чайковского.

Запрашаме слухати!