Голосник

Тепер Крениця хоче глядати горячых джерел

Крениця старат ся о веце як 100 млн зл з буджету державы на сфінансуваня ґеотермального верчыня в части міста Чорный Потік. Горячых джерел глядали гын уж 10 років тому, але не повело ся іх товды найти. Самоурядовы власти хочут вертіти дале.

Попереднє верчыня, котре робила спілка Ґондольова Желізнция Креницка Яворина, закінчыло ся на глубокости такой 3 км. Не нашли товды горячой воды, але подля власти курорту не означат тото, што в Креници єй неє. З досліджынь, котрыма диспонуют власти, выходит, што горячы джерела можут ся находити на глубокости 5 км. «Зроблено баданя магнетотеллюричном методом. Подля них вода буде на 5 км» – бесідує бургомайстер Крениці, Пьотр Рыба.

Гляданя джерел може кошутвати веце як 100 млн зл. Місто зложыло внесок о фінансуваня верчыня до Нацийонального Фонду Охороны Середовиска і Водной Господаркы. Кєд Фонд розсмотрит го позитивні, інвестиция буде в 100% сфінансуваня з буджету державы.

Внесок о фінансуваня ґеотермального верчыня в Креници будут розсмотрювати в другій чвертці будучого рока. Кєд інвестиция рушыт і вкаже ся, што в курорті сут горячы джерела, то – як заповідают власти міста – в Чорным Потоці побудуют цілорічный водный парк.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі