Томина неділя
Хрістос воскрес!
Днешня неділя называть ся недільов Томинов. Ісус приходить через заперты двері ку ученикам згромадженым вєдно зо страху перед Жыдами. Як при втіліню своїм народжіньом не порушыв печати дівства і при воскресіню не порушыв печати гроба, так і теперь не порушыв печати дверей. Появлять ся міджі учениками і говорить: Мір вам! Вказує їм рукы і ногы. Кідь собі думають, же то може привиджіня, же видять духа, оддалює такы думкы з їх сердець і говорить: Подьте, пересвідчте ся, же то єм я. Но апостол Тома не быв там і не хотів ся дати пересвідчіти, аж покля сам не увивидить і не дотулить ся. На осьмый день Ісус пириходить знова і говорить Томови: Подь, влож свій палець, дай свою руку до мого ребра, і не будь не віруючій але віруючій. Тома скрикне: Господь мій і Бог мій. Вызнавать двояку природу Божу і людьску в Хрістови. Бог допущать і тото невірство ученика, абы обернути на хосен вшыткых, абы утвердити в далшых поколінях віру у воскресіня. Абы нихто не міг повісти, же то апостолом привиділо ся. Кідь Тома дотулив ся, увірив, што і Ісус потвердив: Ты увірив, бо ты ня видів. Блажены але суть тоты, што не виділи і увірили. Тоты блаженство ся може односити і на нас. І мы сьме не виділи тілесно Господа, но увірили сьме через свідчіня тых, што го виділи. Бо євангеліста Йоан написав: А тото є написане абы сьте увірили, же Хрістос є Сын Божый, а як віруючі мали жывот в його мені. Прото і мы повічме з апостолом Томом: Господь мій і Бог мій. І кібы цілый світ говорив штось інше, што і говорить, предствалять нам вшытко інше, лем не віру в Хріста, мы повічме: Хрістос воскрес!
В неділю, 8. мая 2016 р., о 9.00 год. проґрам «Слово», котрий реалізує єромонах Маркіян ЧСВВ. Повторіня 8 мая о 12.00, 15.00, 20.00 год. і 9 мая о 2.00, 8.00 год. за русиньскым часом.
ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА
Фото – Невірний святий Тома, образ Караваджьо – джерело вікіпедия.
Ґорлиці 106,6 MHz
#/media/File:The_Incredulity_of_Saint_Thomas_by_Caravaggio.jpg){kind=link}
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
