Цеголка на довершыня ремонту вежы-дзвінниці в Полянах Суровичных

Орґанізаторы ремонту дзвінниці в Полянах Суровичных (ґміна Команча), т.є. головні вольонтеры зо Стоваришыня Туристичний Клюб Стыкі, Студентского Кружка Бескідскых Провідників Варшава та Стоваришыня Маґурич, оголосили загальну квесту фондів на докінчыня ремонтовых робіт при обєкті. Заплянувано іх на будучий рік.

По запроєктуваню остатньой части вежы – даху з баньом, орґянізаторы отримали кошторис завершаючого етапу ремонту. То квота 50.000 зл. Більшіст задач буде зроблена соспільном, вольонтерскорм роботом, а збераны грошы презначены будут на материялы, нарядя і фаховы роботы та необхідны урядовы формальности. По шырокых консультациях і збераню опіній досягнено консенус, як мат выглядати проєкт завершаючой вежу части. Фінальні, за взір послужыли бані над притвором і середньом частю церкви в Вислоку Нижнім на східній Лемковині. Кінцьовий проєкт вежы-дзвінниці в Полянах Суровичных зрыхтувано, інспіруючы ся як раз тым сусіднім обєктом.

Высокіст цілой одбудуваной вежы-дзвінниці, разом з крестом на бані, буде становила нецілых 17 метрів. Высокіст захованых камінных мурів вежы, якы были одновлены, зміцнены та вставлено в них выгляды і двері, то 8,6 м, а высокіст проєктуваного даху з баньом то 8,3 м. Ремонтувана дзвінниця єст єдином захованом частю церковного комплексу грекокатолицкой церкви Михала Архангела в Полянах Суровичных, а тіж єдным з остатніх слідів по жыючых гын Лемках.

Даны до конта, на котре мож вплачати грошы то:

76 1500 1559 1215 5003 7213 0000
Stowarzyszenie SAREPTA, ul. Zdrojowa 8, 33-380 Krynica Zdrój
Конечні з дописком: Remont dzwonnicy w Polanach Surowicznych

Орґанізаторы просят тіж о пошырювати інформациі о квесті, а тіж підповіди, де мож ся іщы зголосити з внеском о дофінанусваня. Обіцюют, же на прошыня каждого жертводавці, буде представлене детальне розрахуваня ремонту.