Цілий Русин

Од 4. марця 2016 р. бібліотека в Рускій Бурсі збогатила ся о комплет річників часопису Русин.

Культурно-Християньскій часопис Русин зачал быти выдаваний в Чехословациі в 1991 р. наперед Товариством Енді Варголя в Меджелабірцях. Як перше вышло сиґнальне чысло з ґрафічным представліньом Енді Варголя. Од #2 чысла за 1991 р. шефредактором остал Александер Зозуляк і долгыма роками выдавцьом часопису была Русиньска Оброда в Чехословациі (потім на Словациі).

Тот щедрий дарунок бібліотека РБ достала од Павла Стафиняка, єдного з першых предсідателів Стоваришыня Руска Бурса в Ґорлицях. Дякуєме в імени редакциі радия і порталю Лем.фм.