Голосник

Цілорепублікове змаганя з русиньского языка

Днесь в Сербії проходить цілерепублікове змаганя з русиньского языка (у варіанті русиньского языка Русинів у Войводині) і языковой културы.

Вже 15-тый річник змаганя школярів основных школ з навчалным языком русиньскым і школ, де ся учіть русиньскый язык з елементами народной културы, проходить на Основній школі „Йован Йованович Змай“ у Дюрдьові.

Одкрытя змаганя было наплановане на 9.30 год. Тесты мали школярі рішыти міджі 10.00 аж 11.30 год. До третьой годины пополідне бы мали быти знамы резултаты змаганя.

Цілорепублікове змаганя з русиньского языка орґанізує Міністерство школства Републікы Сербія і домашня основна школа „Йован Йованович Змай“ у Дюрдьові вєдно з орґанізаційов „Дружтво за руски язик, литературу и културу,“ інформує аґентура Рутенпрес.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси, в місті Пряшів. Локалпатріот. Актуалну тему з його точкы погляду мож чути каждый четверь в проґрамі Вступне до контроли о 18.10 год. Каждый робочій день од 8.00 год. мож слухати його Корзо, в котрім вас возьме до світа актуалной політікы. Контакт: petro@lem.fm

Коментарі