“Тыжден допереду” (нажыво) – Приходит баба до дохторя – понедільок, 20.00 год.

Специялісты од медицины, котры дадут рады на легкы і тяжкы хвороты, днес вечер будут ординувати, нажыво, в краківскым студию радия Руской Бурсы ЛЕМ.фм. Пан дохтор і медсестра поставлят діаґнозу, проґнозу, епікризу і сурпризу.

Днес до пана дохторя запрашаме бабы і хлопів. Вшыткых немічных, котры ґанчуют, недомагают, ослабли, простудженых, або такых, котрых пригріло сонце. Своі болячкы мож зголашати до нас през комунікаторы – то з огляду на епідемійолоґічне загорожыня. Клиніка радия ЛЕМ.фм отворена буде од 20.00 годины за лемківскым часом.

Перший езотерычний проґрам Тыжден допереду… лем в радию Руской Бурсы. І желаме Вам доброго ефіру.