В хорватскым Осієку зачал ся Світовий Конґрес Русинів
Вечерньом презентацийом кроів і одкрытьом малярскых выстав зачал ся дня 29. червця/юнія 2017 р. в Осієку (Хорвация) XIV Світовий Конґрес Русинів. Офіцияльны засіданя зачали ся днес (30.06.2017) о 10.00 год., коли од імене орґанізаторів і ґаздів – Дружства «Руснак», голос забрал Мійо Шайтош, одкрываючы першу част пленарного засіданя конґресу.
По выступлінях запрошеных гости др Штефан Лявинец, шеф Світовой Рады Русинів, одчытаньом лявдациі прикликал Наталию Гнатко, русиньску активістку і педаґоґа, котрій была вручена Премія ім. Василя Турока-Гетеша, Лавреатка нагороды зо зворушыньом подякувала за тоту чест.
Попри Світовым Конґресі Русинів, котрий перший раз в своій істориі одбыват ся в Хорвациі, засідат тіж Світовий Форум Русиньской Молодежы. В пляні конґресу, окрем пленарных засідань, находят ся стрічы конґресовых комісий (за культуру, освіту, історию, економічну і інформацийну, статутову), культурний проґрам, стріча літератів і ін.
Делеґаты і гості XIV Світового Конґресу Русинів будут пребывати в Осієку до неділі (2.07.2017), коли заплянуваны сут послідні пункты стрічы.
