Голосник

В Ліґници проходит VII Конґрес Стоваришыня Лемків

О 10.00 год. в Ліґници, в будинку Стоваришыня Лемків при ул. Зофіі Коссак, зачал ся VII Конґрес Стоваришыня Лемків. Берут в ним участ делеґаты з кружків СЛ, та запрошены гості.

Цілю конґресу єст підсумуваня 4-річной каденциі дотеперішнього заряду, котрого ведучым был Андрий Копча, та голосуваня над абсолюторийом для уступуючого заряду СЛ. Окрем того, делеґаты выберут днес новий заряд на наступны 4 рокы, котрий, враз з новым ведучым, буде репрезентувал Стоваришыня Лемків за час ідучой каденциі.

Конґрес зачал ся спомніньом 150. річниці смерти Александра Духновича (1803-1865) і 100. річниці народжыня Івана Горощака (1915-1991). Присутны на конґресі гості і делеґаты минутом тишы оддали тіж чест п. Димитрийови Дубцьови, заслуженому діячови Стоваришыня Лемків і членови кружка той орґанізациі в Михалові, котрий одышол до Вічности 23. лютого 2015 рока.

VII Kongres SL

Ведучий Стоваришыня Лемків отверат VII Конґрес СЛ. 25. квітня 2015 р. Ліґниця

Шеруй.

О авторі

Демко Трохановскій

Актуальні ховат дві дівкы, а медже, по і попри тым - редактор інтернетового порталю lem.fm. Любитель языків. Вшыткых языків.

Коментарі