В Полянах Суровичных скінчыли ся проєктовы працы
Як заявлят офіцияльний сайт грекокатолицкой вроцлавско-ґданьской єпархіі www.cerkiew.net.pl, в Полянах Суровичных скінчыли ся проєктовы працы, звязаны з задашыньом ремонтуваной дзвінниці. Ремонт прицерковной дзвінниці (церков не істнує) тырват од 2012 рока. За тот час повело ся одновити і зміцнити камінны стіны вежы, привернути выгляды і двері. Неодолга зачнут ся працы, звязаны з покрытьом спомянутой дзвінниці.
Проєктанты новой полавы, влони, вчас презентациі проєкту даху, отримали вельо уваг і пропозиций, часто одмінных од заміреного проєкту. Важном заувагом было навязати до подібных даховых покрыть в околици. Фінальні, за взір послужыли бані над притвором і середньом частю церкви в Вислоку Нижнім на східній Лемковині. Інспіруючы ся ньом, зрыхтували кінцьовий проєкт забудовы даху дзвінниці в Полянах Суровичных.
Од самого початку при ремонті помагают волонтеры – м. ін. зо Стоваришыня Маґурич, СКБП Варшава і КТЕ Стыкі.
За тым мотузком находит ся опис проєкту одбудовы поляньской дзвінниці, a гев фейсбуковий фанпейдж цілой ініциятывы.
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
