lem.fm - Радийо Руской Бурсы
  • Радийо
    • Заповіди проґрамів
    • Порядок высыланя
    • Cлухай нас
    • Подкаст
  • Новины
    • Вісти
    • Культура
    • Подіі
    • Фафриндя і сконфіскуване
    • Інчы
    • Сумар дня
  • Погляды
    • Коментарі
    • Рецензиі
    • Бесіды
    • З істориі
    • З архівной пресы
    • З природы
  • Архів / Archive
    • Tur Tondos
    • Bocheński
  • Склеп / Shop
    • Книжкы
    • Платні

Кошык єст порожній.

No Result
View All Result
lem.fm - Радийо Руской Бурсы
  • Радийо
    • Заповіди проґрамів
    • Порядок высыланя
    • Cлухай нас
    • Подкаст
  • Новины
    • Вісти
    • Культура
    • Подіі
    • Фафриндя і сконфіскуване
    • Інчы
    • Сумар дня
  • Погляды
    • Коментарі
    • Рецензиі
    • Бесіды
    • З істориі
    • З архівной пресы
    • З природы
  • Архів / Archive
    • Tur Tondos
    • Bocheński
  • Склеп / Shop
    • Книжкы
    • Платні

Кошык єст порожній.

No Result
View All Result
lem.fm - Радийо Руской Бурсы
No Result
View All Result

В Пряшові одсвятковали 15 років метрополії

З Пряшова Папови загнали поздравне писмо.

Петро Медвідь Петро Медвідь
30. 1. 2023
» Вісти
В Пряшові одсвятковали 15 років метрополії

В суботу 28-го януара собі духовны і віруючі в Катедралнім соборі святого Йоана Крестителя в Пряшові припомянули 15-ту річніцю реорґанізації Ґрекокатолицькой церькви на Словакії, коли стала метрополітнов церьквов sui iuris.

https://www.lem.fm/wp-content/uploads/2023/02/166-perehlad-tyznia-15-ricznycia.mp3

Торжественну архієрейску літурґію з той нагоды одслужыв владыка Петро Руснак, апостольскый адміністратор sede vacante Пряшівской архієпархії а єдночасно братіславскый єпарха. Проповідав на літурґії Монс. Нікола Джірасолі, апостольскый нунцій на Словакії.

Конференція з нагоды річніці метрополії.
Конференція з нагоды річніці метрополії.

Святкованя почали уж в пятніцю 27-го фебруара, коли на Ґрекокатолицькій теолоґічній факулті Пряшівской універзіты одбыла ся научна конференція з меджінароднов участьов, яка была присвячена споминаній річніці.

Участных коло двадцять єпіскопів

На суботнім торжестві брало участь коло двадцять єпіскопів ґрекокатолицькых і римокатолицькых, котры были із Словакії, але і споза граніць.

На браковали представителі найблизшых про метрополію на Словакії церьковных штруктур як владыка Ніл Лущак, апостольскый адміністратор Мукачовской єпархії, владыкове Філіп Кочіш, Атаназ Орос і Авел Сочка з Мадярьской метрополії, владыка Ґеорґій Джуджар руськокерестурьской єпархії ці владыка Мілан Стіпіч, котрый є крижевацькым єпархом.

Участны были і представителі штатной справы і самосправы із Словакії а Мадярьска, представителі академічной общіны, множество священиків, монахів і монашок.

Велика мета і новый зачаток

Як інформовав Михал Павлишіновіч із Інформачного центра Пряшівской архієпархії, апостольскый нунцій Нікола Джірасолі высловив у проповіді велику радость з того, же може як заступник Святішого Отця Франціска быти участным на торжестві.

Владыка Петро Руснак почас торжественной літурґії в Пряшові.
Владыка Петро Руснак почас торжественной літурґії в Пряшові.

Выголошіня Ґрекокатолицькой церькви на Словакії за метрополію перед 15-ма роками означів за велику мету, але і новый зачаток про містну церьков. Припомянув і довгу путь терпіня Ґрекокатолицькой церькви на Словакії, котра все заховала вірность, а окремо почас довгого періоду реліґійной неслободы, коли многы віруючі пережывали великы страсти і тверды переслідованя аж по мученицьтво.

„В імени Святішого отця Франціска, котрого покорно заступам на Словакії, вам знова повторям: дякую. Папа Франціск є гордым на вас вшыткых, на способ, якым собі сохраняте, жыєте і оголошате віру,“ повів у проповіді нунцій.

На кінцю торжества было прочітане і поздравне писмо, котре з події загнали Вселеньскому Архієрейови. Нунцій передав владыкови Руснакови медайлу Святішого Отця зо словами, же вшыткы віруючі заслужать собі єднаку медайлу, обдив і вдяку за то, з яков вірностьов і запалом сохраняють і передавають віру далшым ґенераціям.

Ани сокрыры комунізму єй не розтяли

На події приговорив ся і Бернард Бобер, кошыцькый римокатолицькый архієпіскоп і метрополіта а председа Конференції єпіскопів Словакії. „Ани остры сокыры комунізму єй не розтяли,“ повів на марґо Ґрекокатолицькой церькви метрополіта.

Участным приговорив ся і єпіскоп Выходного діштрікту Євангелицькой церькви ауґсбурзького віроісповіданя Петер Мігоч, котрый підкреслив, же за пятьнадцять років метрополії видить, як ся Ґрекокатолицька церьков рушала допереду і як ся розвивать.

Святкованя продовжовали далшы два дні

В неділю 29-го януара святкованя продовжовали в Кошыцях. В Катедралнім соборі Рождества Пресвятой Богородіці торжественнов архієрейсков літурґіов дяковало ся за 15 років од выголошіня Кошыцького екзархату за єпархію.

Владыка Кіріл Василь почас святковань в Кошыцях.
Владыка Кіріл Василь почас святковань в Кошыцях.

Головным служытельом быв кошыцькый єпарха архієпіскоп Кіріл Василь, вєдно з ним служыли і апостольскый нунцій Нікола Джірасолі, владыка Петро Руснак, владыка Атаназ Орос, владыка Маріян Андрій Пацак і далшы. Проповідь на торжественній літурґії мав владыка Петро Руснак.

Проґрам святковань закінчів ся в понедільок 30-го януара. В тот день была одслужена літурґія в ґреческім языку, котру в пряшівскім Катедралнім соборі святого Йоана Крестителя одслужыв владыка Мануел Нін, апостольскый екзарха Ґреції.

Владыка Мануел Нін одслужыв у Пряшові літурґію в ґреческім языку.
Владыка Мануел Нін одслужыв у Пряшові літурґію в ґреческім языку.
Пряшівска метрополія

Ґрекокатолицьку церьков на Словакії за метрополітну церьков sui iuris із центром в Пряшові выголосив Папа римскый Венедікт XVI. 30-го януара 2008-го року. Пряшівскій єпархії тым підняв статус на архієпархію, Кошыцькый апостольскый екзархат став Кошыцьков єпархійов, а вєдно з тым была еріґована Братіславска єпархія.

Ґрекокатолицька церьков на Словакії має за остатнім списованьом жытелів із 2021-го року 218 235 віруючіх. Чісло вірників в періоді меджі двома списованями наросло о 11 364 людей. В Пряшівскій архієпархії жыє 114 401 віруючіх, Кошыцька єпархія має 74 240 віруючіх, і в Братіславскій єпархії ся ку ґрекокатоликам приголосило 29 594 віруючіх.

Єпіскопат Ґрекокатолицькой метрополітной церькви на Словакії творить пять єпіскопів: владыка Петро Руснак, братіславскый єпарха і аспостольскый адміністратор Пряшівской архієпархії, владкыа Кіріл Василь, кошыцькый єпарха, владыка Мілан Лах, помічный єпіскоп Братіславской єпархії, владыка Йоан Бабяк, емерітный пряшівскый архієпіскоп і метрополіта а владыка Мілан Хаутур, емерітный кошыцькый єпарха. В монастырю отців редемпторістів у Старій Любовні іщі жыє владыка Маріян Андрій Пацак, емерітный єпарха торонтьскый.

ТЕКСТ НАПИСАНЫЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

 

ShareTweet

Повязаны дописы

23-ій марец є Світовым дньом Русинів

23-ій марец є Світовым дньом Русинів

23. 3. 2023
Мадярьска презідентка прияла предстоятелів сірійскых церькей вєдно з метрополітом Філіпом

Мадярьска презідентка прияла предстоятелів сірійскых церькей вєдно з метрополітом Філіпом

22. 3. 2023
Польковиці 103,8 МHz
Ґорлиці 106,6 MHz

Łemkowie są…

  • Ruska Bursa / Руска Бурса
  • Про наше радийо
  • Діґітальна біблiотека РБ
  • Знимкы
  • Контакт
lem.fm - Радийо Руской Бурсы
Радийо Руской Бурсы
Руска Бурса

Publikacja wyraża jedynie poglądy autora/ów i nie może być utożsamiana z oficjalnym stanowiskiem Ministra Spraw Wewnętrznych i Administracji.
Публикация выражат лем погляды автора/авторів і не може быти принимана як офіцияльне становиско Міністра Внутрішніх Справ і Адміністрациі.
Zrealizowano dzięki dotacji Ministra Spraw Wewnętrznych i Administracji.
© Copyright lem.fm, 2023. Вшыткы права застережены.

No Result
View All Result
  • Радийо
    • Заповіди проґрамів
    • Порядок высыланя
    • Cлухай нас
    • Подкаст
  • Новины
    • Вісти
    • Культура
    • Подіі
    • Фафриндя і сконфіскуване
    • Інчы
    • Сумар дня
  • Погляды
    • Коментарі
    • Рецензиі
    • Бесіды
    • З істориі
    • З архівной пресы
    • З природы
  • Архів / Archive
    • Tur Tondos
    • Bocheński
  • Склеп / Shop
    • Книжкы
    • Платні