Малопольскій Воєвідскій Уряд просит на підсумуваня варштатів В єдній хыжы нацийональны і етнічны меншыны Малопольщы. Проєкт направлений є на учеників ґімназияльных і выжеґімназияльных краківскых шкіл, а його цілю є едукация о вельокультуровости.
Варштаты будут проходити 20. листопада т.р. од 17.00 год. в Центрі Культуры Dworek Białoprądnicki в Кракові. В тракті варштатів молодіж буде мала нагоду стрітити ся, побесідувати і давати звіданя представником нацийональных і етнічных меншын. Задуманым орчанізаторами результатом мат быти піднесіня свідомости молодых люди в обшыри вартости і богатства, якы мож хоснувати з інчых культур. Дискусию вести будут дві докторанткы краківскых університетів – Евеліна Малік і Катажына Оджыволек.
Варштаты будут ведены на основі выставы Я – одтале. Польща вельох народів, яка посвячена є істориі, культурі і традициям нацийональных і етнічных меншын. Лемкы тіж мают там своє місце. Выстава презентувана буде од 17. листопада до 17. грудня т.р.
Цілий проґрам варштатів найдете за тым мотузком, а каталоґ выставы за гевсым.
Коментарі