Голосник

Вакациі… «Говорить Пряшів» – пятниця, 18.10 год.

Дайте си порцийку даякого студеного напитку. Не одмавляйте си, коли гріє великє сонечко. А гріти буде і не так скоро перестане.

Лем коли приде осін ци зима, будеме вшытко довєдна нарікати і тужыти за теплым. Так не обертайме ся задом, до того, што нам тепер природа приносит. Тішме ся, же маме сонце. Лем просме і о дощ, бо його тіж треба. Най буде посередині вшыткым.

Тот принцип, ділити по рівно каждому, прібуєме од років тримати в радию. Стараме ся, жебы было і по «чірчаньскы», але і по «інтеліґентскы». Не знам чом, але якоси тото бы ся хыбаль планно іло, єдно з другым, з того самого таніря. Гварят, жебы не мішати солодкого з солоным, бо все в котрысу страну можеме пересадити.

Так днескы, по днях свободы в жанрах, в можности слуханя хоц-чого і  хоц в якій спосіб, запрашаме Вас до слуханя поучытельных тем, просто з сальонів Пряшова. Не трапте ся, они гын тіж люблят «чірчаньскє», лем ся до того не хочут признати!


За радийом Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Шеруй.

О авторі

Севериян Косовскiй

Народженый на чужыні. Матуриста з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Головный редактор Лемківского Річника. Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментарі