Веселых і радістных Свят Рождества Христового!

Знаме, же і тоты другы, а для некотрых єднак першы, свята не будут такы, як інчы. Може і не стрітиме ся з родином, або найблизшыма, може і не буде нагоды одсвяткувати так, як бы сме хотіли.

Тым більше, желаме вшыткым днес празднуючым Рождество родинного тепла, смачной велийной вечері і жебы сме ся скоро зышли, по старому, жебы скоро было так, як было перше!

На тото важне торжество зрыхтували сме для Вас, так як знаме найліпше, особливы желаня од цілой Редакциі. На фоні высвітляме знимкы з тым, як то колиси зимово было на Лемковыні. І Вам і нам желаме, жебы і такє даколи вернуло.

Вічнуют редакторкы: Наталія Малецка-Новак, Олена Стефановска, Олена Дуць, Ольга Пелехач, Моніка Тылявска, Анна Масляна та редакторы: Петро Медвідь, Севериян Косовскій, Даміян Трохановскій, Мирослав Воргач, Павел Малецкій і Якуб Зиґмнут

Редакция ЛЕМ.фм

Стоваришыня Руска Бурса в Ґорлицях