Віра Кобулей угонорувана.

Віра Кобулей телевізийна журналистка, котра в телевізиі ТИСА в Ужгороді рядит редакцийом програмів для народовых меншын з обшыри Підкарпатской Руси, в суботу 26 жолтня была угонорувана і нагороджена премійом за долголітню, жертвенну роботу і заслугы на поли русиньского языка і культуры Русинів. Торжественне вручыня преміі одбыло ся в часі “Червеной Ружы” Фестівалю Русиньской Культуры в Мукачеві.

Віра Кобулей є настоятельком редакциі, котра робит програмы, реляциі і новины для ромской, русиньской і російскої народовости. Редакция Лем.фм прилучат ся до ґратуляций.