Вмер Михал Коцур (1946-2015). Вічна Йому Памят!

Зо смутком хочеме поінформувати, што вмер Михал Коцур, спілоснователь і долголітній член Стоваришыня Руска Бурса.

Михал Коцур народил ся 18. вересня (септембра) 1946 в Розділю, на Лемковині. Од самого початку, по реактывациі Руской Бурсы в 1991 р., актывні діял в заряді общества і докладал старань при адмініструваню бурсом. Михал Коцур был артистом плястыком, творил ґрафікы, котры презентувал на выставах в Дворі Карвациянів і в ґорлицкій Рускій Бурсі.

Со святыма упокой. Вічна Йому Памят!

Похоронны богослужыня зачнут ся в четвер 8. жолтня (октобра) 2015 р. о 10.00 год. в православній церкви св. Тройці в Ґорлицях. Днес, 7. жолтня о 19.00 год., в тій же церкви буде служений парастас.