Выізд на Ювілей 30. річниці посвячыня церкви в Зындранові
Як дознали сме ся з фейсбукового фанпейджа Православной Парафіі св. Тройці в Ґорлицях, 30. серпня т.р., спомнена парафія орґанізує выізд на святкуваня 30. річниці посвячыня православной церкви св. Миколая в Зындранові.
Выізд з Ґорлиц буде мал місце ок. 8.30 год. (30.08). Ціна то лем 10 зл од особы. Записы тырвают до 25 серпня т.р. (віторок). Веце інформаций під номером: 607 094 177.
Церков св. Миколая в Зындрановій была побудувана і посвячена в 1985 р. Вартат спомянути, же зындранівскій храм то першa новопобудуванa по ІІ Світовій Войні православна церков на Лемковині. Церков тридільна, мурувана, своім архітектонічным стильом навязує до традицийного західньо-лемківского церковного будівництва. Находит ся в середині села, надалеко од забудовы Музею Лемківской Культуры.
