Высова пахняча зілями…

І того рока Высова стане ся на пару днів найбарже пахнячым селом на Лемковині. В днях 2.-3. липця/юлия т.р. буде проходил гын фестин пн. Высова Пахняча Зілями, якій з рока на рік тішыт ся што раз то більшым заінтересуваньом.

Туристы та любителі зіля з цілой обшыри будут мочы зас прислухати ся прелекциям на зілярскы темы, взяти участ в варштатах о косметичній тематиці ци специяльній прогульці з провідником по луках, жебы познати зіля в іх натуральній обшыри выступуваня. Традицийні не бракне стоіск, на котрых буде мож придбати собі новы свіжы ци сушены зіля і пошырити домашню аптечку. Окрем того, будут іщы крамы з ріжныма артефактами ручной роботы та вельо інчых атракций: конкурс на найкрасший вінок з зіля і квітя, артистичны выступы (з деякыма лемківскыма співанками запрезентує ся хор Зоря з Устя Ґорлицкого, выступит тіж ґрупа Лемківскій перстеник з Ґладышова), буде танцувальна забава і ріжны показы та анімациі.

Якы інчы зіля іщы знате?

• коприва – pokrzywa (nettle)
• пырий – perz (couch-grass)
• кукіль – kąkol (corn cockle)
• лопух – łopian (burdock)
• синец, блават, міцне зіля – chaber, bławatek (cornflower)
• божа кровця – dziurawiec (St-John’s-wort)
• ілка, хрястка – skrzyp (horsetail)
• квасниця – szczaw (sorrel)
• iскорник, жолтняк – jaskier (buttercup)
• диванна – dziewanna (mullein)
• май – mlecz (sow-thistle)
• команиця – dzika koniczyna (wild clover)
• мати мачоха – podbiał (coltsfoot)
• райник – jaskółcze ziele (celandine)
• мята – mięta (mint)
• румянок – rumianek (camomile)
• полын, чорнобыль – piołun (wormwood)
• бодак – oset (thistle)
• крокіс – nagietek (marigold)
• ружа – róża (rose)
• фіялка – fiołek (violet)
• верес – wrzos (heather)
• лобода – komosa biała (pigweed)
• чабрик – macierzanka (thyme)

Дрібниці і проґрам найдете на афішы пониже.