«A Я[К]» заходит до Цеклиньской Волі – віторок, 20.00 год.

Бесідуют, што село нич отримало названя Цеклиньска Воля окрисляно як Фалатівка. Парохію мал ериґувати гын початком XVII ст. Йоан Мнішек. До выселінь в 1945 р. в Фалатівці жыло 430 Лемків, 5 Поляків і 5 Жыдів.

Метрикальны книгы села ведены сут од 1784 рока. В 1778 році была в Воли побудувана церков св. Димитрия. По боях І світовой войны остал в селі войсковый цмонтір. Запроєктувал го Душан Юркович. Цмонтір возник на пляні двох округів, якы заходят на себе. Огородженый є полным камінным муром. Головный памятник побудувано в формі ротунды. На таблици вырытый є напис «Рушыли сме на борбу, а нашли сме мир».

Більше слухайте в днешнім проґрамі о год. 20.00, а буде тіж дакус про Цергову.

A Я[К]…? – звиджаня і познаваня Лемковины од А до Я. Історично-ґеоґрафічны прогулькы по селах і знаных, або менче знаных, особливостях Лемковины. Што тыжден творена єст нова позиция в радийовій енциклопедиі Лемковины.