Гей, так писал Русенко, якому Циґане были барз близкы, бо тіж Циґане жыли близко Лемків, жыли разом з Лемками – по 2-3 родины такой в каждым селі, навет ходили до єдной цекрви. Занимали ся переважні ковальством і не было понад них ліпшых музыкантів. Грали на вшыткых забавах, весілях ци от лем так, для приємности. Циґане, якы жыли на Лемковині, то єдна зо штырьох ґруп Ромів жыючых в Польщы – гірскы Ромы, званы Берґітка Рома. Жыли на полудни Польщы, в Бескідах та під Татрами і, інакше як другы ґрупы Ромів, не вандрували.
Циґаньска культура была близка Лемкам, а кєд є для дакого і тепер, то в перший вікенд червця єст шанса на близше єй познаня в рамках варштатів Циґаньскым ритмом – школа традициі. В тридньовых варштатах буде мож взяти участ в занятах співу, якы поведут Тереса Мірґа, циґаньска співачка, Яцек Каціца – ромскій музык, специяліста гры на дзбані, поведе науку гры на горци і лжыцях, а циґаньскых танців вчыл буде любитель – Матеуш Етинковскій.
Циґаньскым ритмом – школа традициі, варштаты циґаньской культуры обудут ся од 4. до 7. червця т.р. в джерелі культуры Берґітка Рома, на граници Спиша і Підгаля, в Чорній Горі. Кількіст місц ограничена! А записы тырвают до заране (16. мая). Більше дрібниц – за тым мотузком, можете писати тіж одраз до орґанізаторкы Аґнєшкы Банась agnieszka.banas9@gmail.com
(фото: знимка авторства Адама Сьмялковского поміщена в книжці Єжы Фіцовского Demony cudzego strachu)