Як то ся робит і кус о Різдві… Як зачати бесіду? – ч. ІІІ – «70%» – неділя, 18.00 год.

Хто ближе ся присмотріл до світа нашых дідів-прадідів, тот знає, же він дост ся ріжнил од днешнього світа. І не лем тым, же не было сто років тому ани теперішньой технікы, ани сучасного транспорту, днешньой комунікациі. Кус інчом была сама ментальніст чловека, кус одмінні він смотріл і принимал дооколишній світ, а і самого себе. І тото, може, єст найцікавшым в бесідах зо старшыма людми.

Але… як зачати тоту бесіду? Нераз людям в поважным віці не так легко зачати споминати, оповідати…

Но але на вшытко єст спосіб. І до каждого чловека, певне, можна добрати свій ключ. Як глядати ключы до тых – повіме – сейфів, де схованы найціннійшы спомины?

Як раз о тым оповіме в днешній передачы. І не лем…