Языковий Гокус Покус (нажыво) – пятниця, 20.30 год.

О правописі букв Ы/И/І мож бесідувати годинами. Уж дакус о тым знаме з попередніх одтинків Языкового Гокуса Покуса, але днес підеме до істориі і примпомнеме, чом в слові кІнми, выступує «і», а в альтернативній формі Творячого одмінка множыны «о» – кОнями. Ани не знате, якє то просте… 🙂

На Языковий Гокус Покус нажыво просиме в пятницю 16. грудня/децембра 2016 р. о 20.30 год. до радия ЛЕМ.фм. Будете мати го змочу почути і в повторінях. Не давайте ся просити!