Забава на Коссак

Кружок Стоваришыня Лемків в Ліґници сердечні просит Вас в своі скромны порогы, на наступну лемківску забаву! Одбуде ся она 9. мая 2015 рока, як все – в садибі Стоваришыня Лемків і – як все – стрічаме ся о 20.00 год. 
Берте зо собом мериндю і не лем 🙂

Вступне то 10 зл, але..! Тым разом маме промоцию для тогорічных матуристів! Входите за 5 зл! Віриме, же придете хоц на хвильку до нас в перерві медже матуральныма іспытами, а мы будеме тримати за Вас пястукы! А може і зайдут до нас тогорічны матуристы з лемківского языка.. ? 🙂

Музыка – як все – з компутера, але нашы незаступлены гудакы напевно будут мати зо собом сесе і оне.
А решта- ПО СТАРОМУ.
ЖДЕМЕ ВАС!!!

Так на ліґницкy забаву просят орґанізаторы, рекомендуєме!