Засіданя Світовой Рады Русинів і Світового Форуму Русиньской Молодежы

В днях 19. і 20. вересня (септембра) т.р. в селах Стары Янковці і Петровці в Хорватскій Республиці, попри засіданю Світовой Рады Русинів, буде проходило засіданя Світового Форуму Русиньской Молодежы.

Вчас засіданя буде бесіда м.ін. про пляны орґанізуваня спільных подій так, жебы Русины з ріжных держав мали нагоду частійше ся стрічати і познавати. Вечером предвиджений єст культурний проґрам під назвом Коли голубиця летіла, вчас котрого будут выступувати м.ін. ансамблі Рутенія зо Словациі, Фатьовы з Підкарпатской Руси, ци ґрупа Ґереґовці, тіж зо Словациі, яку веде Іван Чіжмар, та інчы співакы зо Словациі, Румуніі і Хорвациі.

Стары Янковці, де буде проходило засіданя, то єдна з першых місцевости в Хорвациі, разом з Вуковаром, Ілоком, ци Петровцями, в якій оселяли ся Русины на початку ХІХ ст. Скорше, бо іщы в половині XVIII ст., Русины оселяли ся на обшыри Войводіны (Рускій Керестур, Коцур і інчы). Была то колонізацийна акция заселяня полудньовых рільничых земель австро-мадярского цисарства. Окрем Русинів, іхали там тіж німецкы, словацкы і угорскы жытелі.

фот. фраґмент мапы Ф. вон Міґа з 1779-1783 р.