„Земльо моя, сторінко моя тиха…”

Днес припадат річниця смери Меляніі Собин – поетесы родом з Бортного.

Вродила ся Мелянія Собин, з дому Нецьо, 30. серпня 1920 рока. Была дівком вязня Талергофу Томы Неця. То по вітцьови преняла патріотизм і громадскє заанґажуваня, зато уж од молодых років звязала ся з аматорскым, артистычным жытьом розспіваного Бортного. Брала актывну участ в діяльности чытяльні ім. М. Качковского. Скінчыла ґімназию в Рыманові, пак по выданю разом з мужом ґаздували в рідным Бортным аж до выселіня, а коли лем явила ся можливіст верніня – вернули в горы.
Єй поетицка творчіст находит ся головні в рукописах, але част вершів выдрукувано на странах „Нашого Слова”, „Голосу ватры” та в антолоґіях Łemkowie piszą ци Мамко, куп мі книжку, некотры з вершів дождали ся музычной обробкы – до слів верша Земльо моя музыку написал Петро Мурянка, співат Юлия Трохановска (награня з платні Пісні і співанкы Петра Мурянкы, част 2 выданом Стоварошыньом Руска Бурса).

Мелянія Собин вмерла 5. лютого 1979 рока в Бортным, де остала похована.