Маґурич іхат ремонтувати цмонтір в Ґрузиі

0

Стоваришыня Маґурич, котре од вельох років ремонтує придорожны кресты, капличкы, цмонтері та інчы елементы сепульклярной штукы в полудньовій Польщы (в тым на Лемковині) і в Украіні, рыхтує ся до выізду до Ґрузиі, жебы гын в єй столици выремонтувати і упорядкувати старий ґрузиньско-польскій цмонтір.

Сеса експедиция одбуде ся в днях од 30. серпня т.р. до 23/24. вересня т.р. в Тібілісі на цмонтері Кукя. О тій подіі заявляме, понеже орґанізаторы глядают єдного, або двох волонтерів, котры схотіли бы поіхати зо Стоваришыньом до Ґрузиі і помочы при ремонті спомянутого цмонтеря. Обставины і детальны інформациі, звязаны з запотребуваньом на волонтерів, найдете під тым номерaми: 600-688-811 або 18-351-63-45, та майльом: szymon.modrzejewski@gmail.com, або за тым мотузком на ґамбокнижковым фанпейджы Маґурича.


Стоваришыня Маґурич выремонтувало білше як 1000 памятників на веце як 100 цмонтерях.

На Лемковині было м.ін. в Команчы, Вислоку, Липовци, Бальници, Черемсі, Воли Нижній, Воли Выжній, Дарові, Чыстогорбі, Мощанци, Шклярах, Мшані, Полянах Суровичных, Котани, Крампній, Ожынні, Полянах, Грабі, Жыдівскым, Радоцині, Вышоватці, Тихани, Долгым, Волівци, Бортным, Смереківци ци в Новици. Послідній табір Маґурича мал місце на цмонтері в Панкній, де окрем реставрациі старых занедбаных памятників, привернено іх на місце, де стояли до 80. років ХХ ст.

magurycz_pankna2

Цмонтір в Панкій перед реновацийом,

magurycz_pankna

і по реновациі.

cerkow_pankna

Неістнююча церков з Панкной св. Параскєвы з 1700 р., котра стояла попри днешній муруваній з 1916 р. Фот. з 1937 р. Видно уклад нагробків, котры стараньом Стоваришыня Маґурич вернули на своє старе місце.

Share.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.