Миколаі номінуваны до Артистичной Нагороды Люблина

0

Влони заявлали сме на нашым портали о новій платни Моды і Коды, яку выпустил ансамбль Оркєстра св. Миколая, званий просто Миколаями. Тепер тота люблиньска ґрупа є як раз номінувана до Артистичной Нагороды Міста Люблина, як раз за выданя влонишньой платні.

Оголошена листа номінуваных до нагорід за культуру включат Оркєстру до артистичной части, попри двох інчых індивідуальных номінациях. Разом з Миколаями до нагороды є номінуваний Академіцкій Центр Культуры «Хатка Жака», котрий был выдавцьом платні. Моды і Коды, з яком стартує до нагороды ансамбль, є його 10 платньом і мож на ній найти 12 творів, інспіруваных польском музычном традицийом. Співанкы сут по части получыньом формы знаной з фолькльорных ансамблів та навязнуют до манєр і граня днешніх стилізуваных аранжаций (більше про про платню найдете за мотузком привденым горі).

Оркєстра св. Миколая за рокы діяльности до свого проґраму ввела лемківскы акценты. Зачало ся од вельох співанок граных в лемківскым языку на поєдных концертах, а кульмінацийным пукнтом лемківской обшыри музыкуваня была платня Lem-Agination, яка взріла світ в 2007 році. Награня припоминают традицийну лемківску капелю і своєрідний спів. Чути типове для лемківского граня тяжкє тягніня смыком і натуральний реконстукцийний спів. З том, і інчыма лемківскыма пропозициями, Миколаі одвиджали парураз м.ін. Лемківскы Ватры на Чужыні в Михалові. Найбилзший териториям Лемковины концерт Оркєстры одбуде ся в рамках приближаючых Днів Ґорлиц.

О конкурсі міста Люблина можете прочытати більше за тым мотузком.

Поділь ся.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Лиш коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.