Новорічний концерт в Креници – фотореляция

0

В Новий Рік, за юлияньскым календарьом, т.є. 1. (14.) січня/януара 2018 р., в креницкій православній церкви св. Владиміра Великого прошол святочний концерт коляд. Выступил домашній церковний хор під дириґентуром Петра Трохановского.

Концерт складал ся з трьох части. В першій хор выконал традицийны коляды, зачынаючы од «Бог Предвічний», в другій заспівано різдвяне «Іже Херувимы» та «Ірмос», а в остатій мож было почути лемківскы коляды в аранжациі Петра Трохановского. Тота послідня част закінчыла ся выступом дуету. Артиста та його сын, Андрий Трохановскій, заспівали стару коляду пн. «Як Пречыста Миленького Сынка породила», котру Петра Трохановского навчыла його мати. Перед каждом колядом отец креницкой парохіі, Петро Пупчык, коротко накрислял, што то за твір, тлумачыл го на польскій та подавал автора.

При нагоді концерту гості мали і можливіст обізрити выставу про Акцию Вісла, котра до креницкой парохіі трафила в минулу суботу, 13. січня/януара т.р.

На конец парох зложыл вшыткым новорічны желаня.

Позерайте долов на знимкы з концерту.

Share.

О авторі

Наталія Клинковска

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2018. Вшыткы права застережены.