Голосник

Премію Годинкы передали Ґлосіковій. «In memoriam» дістав премію і Петровцій

0

13-го фебруара 2016 р. в Мадярьску, в головнім місті Будапешть, проходив День памяти Антонія Годинкы, котрый орґанізовало „Вседржавноє Русинськоє Самосправованя“. Два дні перед тым, 11-го фебруара, проходила о Годинкови конференція.

Як каждый рік, і теперь в рамках святкованя Дня памяти „Вседержавноє Общество Русинської Интеліґенції імени академіка Антонія Годинкы“ торжественно вручало премії Антонія Годинкы. Премію того року здобыла Ольґа Ґлосікова, директорка Словацького народного музею – Музею русиньской културы в Пряшові за вызначну діятельность у ділі всокочіня русиньской културы.

„In memoriam“ быв премійов нагородженый і Іван Петровцій, русиньскый поет, писатель, тлумач і актівіста, котрый недавно вмер. Тому была уділена премія за вызначну діятельность у ділі розвоя русиньского языка і літературы.

Діпломы підписав Др. Штефан Лявинець, котрый є окрім іншого і председом Світовой рады Русинів і Др. Ласло Годинка, внук академіка Годинкы. „Вседержавноє Общество Русинської Интеліґенції імени академіка Антонія Годинкы“ має выключне право каждый рік передавати премію за дозволіньом найстаршого прямого наслідника академіка – Ласла Годинкы.

В рамках конференції, котра проходила в честь А. Годинкы, прозвучали лекції Тібора Мікловча Поповіча о ґеоґрафічных описах в роботах А. Годинкы, Монікы Філіп о споминах на знамого поета Івана Петровція (лекцію написав Людвіґ Філіп), Маріянны Лявинець о научных роботах Годинкы і Ріты Сіладі, котра презентовала новый албум „Іґнац Рошковіч“.

Ольґа Ґлосікова не є першым лавреатом премії Годинкы зо Словакії. У 2010-ім році тоту премію здобыв отець Франтішек Крайняк, котрый є співатором русиньскых літурґічных тлумачінь і у 2014-ім році была премія передана Анні Плішковій, директорці Інштітуту русиньского языка і културы Пряшівской універзіты в Пряшові.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар

Премію Годинкы передали Ґлосіковій. «In memoriam» дістав премію і Петровцій

0

13-го фебруара 2016 р. в Мадярьску, в головнім місті Будапешть, проходив День памяти Антонія Годинкы, котрый орґанізовало „Вседржавноє Русинськоє Самосправованя“. Два дні перед тым, 11-го фебруара, проходила о Годинкови конференція.

Як каждый рік, і теперь в рамках святкованя Дня памяти „Вседержавноє Общество Русинської Интеліґенції імени академіка Антонія Годинкы“ торжественно вручало премії Антонія Годинкы. Премію того року здобыла Ольґа Ґлосікова, директорка Словацького народного музею – Музею русиньской културы в Пряшові за вызначну діятельность у ділі всокочіня русиньской културы.

„In memoriam“ быв премійов нагородженый і Іван Петровцій, русиньскый поет, писатель, тлумач і актівіста, котрый недавно вмер. Тому была уділена премія за вызначну діятельность у ділі розвоя русиньского языка і літературы.

Діпломы підписав Др. Штефан Лявинець, котрый є окрім іншого і председом Світовой рады Русинів і Др. Ласло Годинка, внук академіка Годинкы. „Вседержавноє Общество Русинської Интеліґенції імени академіка Антонія Годинкы“ має выключне право каждый рік передавати премію за дозволіньом найстаршого прямого наслідника академіка – Ласла Годинкы.

В рамках конференції, котра проходила в честь А. Годинкы, прозвучали лекції Тібора Мікловча Поповіча о ґеоґрафічных описах в роботах А. Годинкы, Монікы Філіп о споминах на знамого поета Івана Петровція (лекцію написав Людвіґ Філіп), Маріянны Лявинець о научных роботах Годинкы і Ріты Сіладі, котра презентовала новый албум „Іґнац Рошковіч“.

Ольґа Ґлосікова не є першым лавреатом премії Годинкы зо Словакії. У 2010-ім році тоту премію здобыв отець Франтішек Крайняк, котрый є співатором русиньскых літурґічных тлумачінь і у 2014-ім році была премія передана Анні Плішковій, директорці Інштітуту русиньского языка і културы Пряшівской універзіты в Пряшові.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар