Голосник

І Русины в 1939 р. боронили свою державу

1. вересня/септембра 2019 р. в Варшаві, в 80. річницю зачатку ІІ світовой войны президент Польской Республикы Анджей Дуда повіл, што в вересни/септембри 1939 р. свою державу боронили громадяне ріжных нацийональности. Окрем інчых нацийональности спомянул і на Русинів.

Вельо президентів і шефів делеґаций, в тым американьскій віцересзидент Майк Пенс, президент Словацкой Республикы Зузана Чапутова, президент Хорвациі Колінда Ґрабар-Кітаровіч і президент Украіны Владимір Зеленьскій почули, што в 1939 р. довєдна зо вшыткыма вірныма громадянами Польщы і Русины бороли ся за свою державу. Дале президент Дуда повіл, же товдышньой аґресиі Німец, Совітского Союзу і іх союзників противдіяла бы рішуча і активна акция, протиставліня ся агресиі зо стороны Заходу і можливе, же тото бы не допустили до початку ІІ Світовой Войны і не дозволили бы аґресиі на Чехословацию.

По президенті Дуді, дальшы перемовліня мали президент Німецкой Федеральной Республикы Франк  Вальтер Штайнмаєр, котрый повіл, же ніт в Европі другого такого місця, де рівно тяжко му повісти дашто в своім материньскым языку. Майк Пенс, американьскій віцепрезидент спомянул на героізм і одвагу вшыткых тых вояків, котры воювали з нацизмом.

Oд 10 мин. 50 с. Президент споминат на ріжны нацийональности, в тым на Русинів.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі