Голосник

Руска Бурса на ХХ Малопольскым Форум Позаурядовых Орґанізаций

13. грудня/децембра 2017 р. в Краківскій Опері прошол ювілейний ХХ Малопольскій Форум Позаурядовых Орґанізаций. В подіі участ брали і представникы Стоваришыня «Руска Бурса» в Ґорлицях. Форум орґанізуваний был Маршалківскым Урядом Малопольского Воєвідства, а ґаздом акциі был Яцек Крупа, Маршалок Воєвідства.

Стріча поділена была на дві части. На першу з них, конференцийну, прошены были експерты спілпрацуючы з позаурядовыма орґанізациями в Польшы. Головном темом доповіди были ріжниці в економічній діяльности і діяльности публичного хосну та зміны в уставі о охороні особовых даных, што будут введены од мая 2018 р.

Нагороды Малопольского Воєвідства Крышталы Соли та Amicus Hominum были переданы в другій части форум. Выріжніня дали Маршалок Воєвідства – Яцек Крупа, та Ведуча Малопольского Соймику – Уршуля Новоґурска. Премію Amicus Hominum передає ся особам, што своє жытя присвячают безінтересній помочы інчым. Того рока Grand Prix отримала Мария Новіньска, 86-річна дохторка з Кракова. Головну нагороду Крышалы Соли, яка перезначена є для вынятковых позаурядовых орґанізаций, отримало Стоваришыня «Сандецкій Електрик» в Новым Санчы. В катеґориі Охорона Культуровой Спадковины выріжнено Стоваришыня Приятелів Альманаху Мушыны, якє м.ін. на сторонах річника піднимало тему Лемків і іх істориі.

На закінчыня ХХ Малопольского Форуму Позаурядовых Орґанізаций маршалок подякувал вшыткым позаурядовым орґанізациям, бесідуючы, же сут они «серцьом громадяньского соспільства» та «важным партнером, з якым доцінят взаімну реляцию». Вчас стрічы подано і інформацию, же на 2018 р. зарезервувано в буджеті воєвідства більше як 27 млн зл на спілпрацу з НҐО в рамках 14 обшыри.

Шеруй.

О авторі

Jakub Zygmunt

Sądeczanin. Rodowity Lach. Miłośnik Łemkowyny. Włóczykij i górołaz. Z wykształcenia geolog, choć więcej w życiu pracował z dziećmi i młodzieżą, niż ze skałami. Uczy się łemkowskiego.

Коментарі