Голосник

Смереківскій храм наново послужыл Лемкам

0

Як поінформувал сайт перемышльско-варшавской архієпархіі УГКЦ, в праздник св. Михала Архангеля была правлена грекокатолицка літургія в бывшій грекокатолицкій церкви св. Михала в Смереківци. Днес храм служыт як римокатолицкій костел.

Тота шторіна літургія є о тілько цінна, што як раз смереківскій храм находит ся пп. св. Михала. В Смереківци, якій по выгнаню Русинів заселили в більшости осадникы, прожыват днес пару лемківскых родин. Тото, што раз в році можут молити ся в рідным селі в своім східнім обряді, є для них важном справом.

Тогорічне богослужыня правил о. Ярослав Чухта – парох грекокатолицкой парохіі в сусіднім Ґладышові. В літургіі, окрем вірных Смереківця, взяли участ і вірны з дальшых лемківскых сел. При нагоді тогорічного храмового праздника участ взяли алюмны Пряшівской Грекокатолицкой Семінариі.

Днешні грекокатоликы зо Смереківця наштоден приналежат до парохіі Вознесіня Господнього в Ґладышові. Смереківска церков была побудувана в 1818 році в пошыреным на тамтот час йосифиньскым стилю. Є муруваном будівльом, яка носит в собі приметы тридільного храму. До 1947 рока служыла як окрема грекокатолицка парохія.

Римокатолицка парохія была в тым селі основана аж в 1974 році за причыном выділіня єй як окремой з римокатолицкой парохіі в Ґладышові. Дочырньом громадом до смереківской римокатолицкой парохіі є ждыньска громада, яка од років гостинні корыстат з православной церкви Покровы Пресвятой Богородиці в Ждыни.

фот. www.cerkiew.org.

Більше фотоґрафій з проведеного богосложыня на сайті архієпархіі.

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар