Голосник

«Спомний собі Лемку» – ІІ част бесіды з Владиміром Олеснєвичом з Перункы – четвер, 21.00 год.

Запрашаме на продолжыня цінной бесіды з п. Владиміром Олеснєвичом, котрой першу част мали сме змогу чути два тыжні тому. Цінна зато, же завдякы ній можеме познати вельо забытых і днес нехоснуваных слів. Тыкают они головні технічной сферы, о котру в своім інтервю звідує Олена Дуць, зосереджаючы ся на вшелеякых нарядях і річах, звязаных з ґаздівскым жытьом на селі.

Wladymir_Olesniewycz_2x1

Владимір Олеснєвич і його плуг іщы з дому, про котрий фурт дбат…

В попереднім одтинку было гідні слів тыкаючых будовы воза ци плуга, а днес м.ін. почуєме з чого складали ся сані. Одраз остерігаме, же то не вшытко, понеже ґаздівскій жывот іщы сімдесят років тому был доцяп інчий як днешній. Вера, дознаме ся, же іщы за молодости п. Олеснєвича ґаздове носили чугы! Буде тіж про смутний період выселіня. Хочете знати більше – слухайте днес о 21.00 год. за русиньскым часом проґрам «Спомний собі Лемку».

Wladymir_Olesniewycz

…і топорец його няня, котрым отесувал швалі при будові хыж.

Владимір Олеснєвич народил ся в 1922 році в русиньскым селі Перунка на західній Лемковині, а по выгнаню на захід Польщы в 1947 році прожыват в Бродовицях коло Рудной на Нижнім Шлеску.


«Спомний собі Лемку» то проґрам, в котрым можете почути цікавы річы про минуле, про рідну Лемковину, але і жытя на чужыні. Інтервю ведены молодым чловеком, дают надію старшым його бесідникам на ліпше заран для лемківского народу. Сес проґрам то поворот до втраченого лемківского щестя.

Премєру почуєте 10. марця 2016 р. о 21.00 год., а проґрам повториме наступного дня о 3.00, 9.00 і 14.30 год. та в найблизшу суботу о 18.00 год.

Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі

«Спомний собі Лемку» – ІІ част бесіды з Владиміром Олеснєвичом з Перункы – четвер, 21.00 год.

Запрашаме на продолжыня цінной бесіды з п. Владиміром Олеснєвичом, котрой першу част мали сме змогу чути два тыжні тому. Цінна зато, же завдякы ній можеме познати вельо забытых і днес нехоснуваных слів. Тыкают они головні технічной сферы, о котру в своім інтервю звідує Олена Дуць, зосереджаючы ся на вшелеякых нарядях і річах, звязаных з ґаздівскым жытьом на селі.

Wladymir_Olesniewycz_2x1

Владимір Олеснєвич і його плуг іщы з дому, про котрий фурт дбат…

В попереднім одтинку было гідні слів тыкаючых будовы воза ци плуга, а днес м.ін. почуєме з чого складали ся сані. Одраз остерігаме, же то не вшытко, понеже ґаздівскій жывот іщы сімдесят років тому был доцяп інчий як днешній. Вера, дознаме ся, же іщы за молодости п. Олеснєвича ґаздове носили чугы! Буде тіж про смутний період выселіня. Хочете знати більше – слухайте днес о 21.00 год. за русиньскым часом проґрам «Спомний собі Лемку».

Wladymir_Olesniewycz

…і топорец його няня, котрым отесувал швалі при будові хыж.

Владимір Олеснєвич народил ся в 1922 році в русиньскым селі Перунка на західній Лемковині, а по выгнаню на захід Польщы в 1947 році прожыват в Бродовицях коло Рудной на Нижнім Шлеску.


«Спомний собі Лемку» то проґрам, в котрым можете почути цікавы річы про минуле, про рідну Лемковину, але і жытя на чужыні. Інтервю ведены молодым чловеком, дают надію старшым його бесідникам на ліпше заран для лемківского народу. Сес проґрам то поворот до втраченого лемківского щестя.

Премєру почуєте 10. марця 2016 р. о 21.00 год., а проґрам повториме наступного дня о 3.00, 9.00 і 14.30 год. та в найблизшу суботу о 18.00 год.

Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі