Стріча на мості

0

В надходячу неділю, 18. червця/юнія т.р., на мості медже русиньскыма селами на польско-словацкым пограничы, а по правді на граници медже Пряшівском Русю а Лемковином, буде проходила подія пн. «Черезгранична стріча Сулин-Жеґєстів». Буде то уж друга така стріча в істориі новоотвореного мосту.

В проґрамі стрічы заплянуванo короткє богослужыня з посвячыньом іконы Божого Милосердя та культурну част. Запрезентуют ся: ансамбль Світасеньор зо Світа, фольклорна ґрупа з Жеґєстова та діти і молодіж зо Сулина. Участникы стірчы будут тіж погощены деяком місцевом закуском.

Побудуваня тзв. Лавкы Спілпрацы і Розвитку Погранича было зреалізуване в роках 2014-2015 в рамках операцийного проґраму черезграничной спілпрацы Польща-Словация 2007-2013. Пішо-роверовий мост над ріком Попрад мат долгіст 127,5 м і 3-5 м ужытковой шырокости. По обох його боках зроблено безпечны, вкрыти протислизґовыма площынами, зъізды ідучы рівнолегло до доріг вздолж Попраду по обох странах границі. Міст запроєктувало двох пряшівскых архітектів – Іраклі Еріставі і Павол Шілла.

Лавка єст зачатком інчого спільного проєкту, в рамках котрого рыхтує ся ведучий через словацку і польску обшыр роверовий пут EuroVelo 11.

Share.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од штырьох років доносит о вшыткым, што ся діє на Лемковині. І не лем. Контакт: natalia@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.