Голосник

Ци церковна музыка то антимузыка?

Слухай радия 27 X 2013 (неділя) о 14:05 годині.

17.08.2013 o годині 20.00 в грекокатолицкій церкви  Преображеня Господнього в Ґорлицях церковны творы запрезентувал хор Аксіон з Лігниці. Мали сме нагоду послухати ріжнородной церковной музыкы і побесідувати з дириґентом др габ. Ярославом Левківом, проф. Щеціньского Університета, про його думкы на тему церковной музыкы. Хор Аксіон то група люди, котры єднают пасию співаня. Участникы хора то співакы аматоры, люде ріжных професий. В репертуарі хора находят ся церковны і костельны творы з ріжных епох. Хор остал покликаний до жытя в 1999 році і од початку є ведений перез  др габ. Ярослава Левківа. Дириґент хора є абсольвентом Музычной Академіі ім.Чайковского в Кыєві. Дохторат написал на Музычній Академіі в Бидґощи.

Концерт был духовом гостином на высокым рівни, котру мож было выслухати цілком за дармо. Чудне, што на концерті не было гідной тому хорови фреквенциі. Даєме можливіст выслухати творів з концерту іщы раз – в неділю о 14:05 годині  лем на антені нашого радия в проґрамі «Духовна музыка».

Шеруй.

О авторі

Павльо Малецкій

Єст адюнктом AGH Науково-Технічного Університету в Кракові. Скінчыл з выріжніньом маґістерскы студиі з Автоматыкы і роботыкы та Інжынєриі звуку. На механічным выділі AGH в 2013 році оборонил докторску дисертацию на тему "Евалюация субъєктывних і объєктывних прикмет акустычного простору, поміщынь о долгым часі поголосу". Його науковы заінтересуваня зосереджают ся на психоакустыці, а особливо на перцепциі хоровой музыкы в присутности поголосу, але тіж інтенсывні працує над модерныма амбісонічныма техніками синтезы звуку. Єст автором більше як 50 науковых дописів і лавреатом вельох нагорід і стипендий, м.ін. Стипендиі Президента Міста Кракова, ци европейского проєкту Доктус. Был долголітім членом ансамблю Лемковина і хору Ірмос. Од 2015 р. ведучий заряду Стоваришыня Руска Бурса. -------------------------------------- Pawel Malecki was born in Gorlice, Poland in 1985. He received his M.Sc. (Tech.) in mechanics, and Ph.D. degree in vibroacoustics from the AGH University in Cracow, Poland, 2013. His thesis "Evaluation of objective and subjective factors of highly reverberant acoustic field" focused on psychoacoustic aspects of choral music perception in the diffused field. His main research tools were auralization techniques combined with ambisonics. He works at the AGH University and as a freelancing sound engineer and acoustic consultant. Dr. Malecki has designed the acoustics of the recording studio in the new AGH University Media Center. He is an officer of the Polish Acoustical Society.

Коментарі