Голосник

Ярмакоманія без потребы

Лемко в чыслі 24. за 1912 рік жаліє над пошыреном на Лемковині модом на ярмакуваня. Был і єст то улюблений вид надобовязковых занять нашого карпаторуского народа.

Некотры з його представників повіли нашій редакциі, што уж і в телевізор не хотят смотріти. Глядают лем забавы в ґалериях, аренах і шопінґовых центрах.

Мы ся тішыме, же хоц лем нашого радия мож слухати там на мобільці. Часто мают гын дармовы “вайфаі”. Але согласны сме з опінійом, же скоро не буде в нашым радийо кому робити, як і редакторы запалят ся до шопінґу.

Тішме ся, Лемкы, самы собом, закля в Ждыни не отворили іщы гіпермаркету з міністерияльном підпором.

Bez tytułu

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі