«70%» – З чого ся родят вершы? – нeділя, 18.00 год.

Представте сой таку ситуацию: вы iдете до психолоґа, оповідате, якій мате тепер проблем, а він приписує… писати вершы! І то не буд-якы, а, напримір, японьскы хокку ци клясичны сонеты. Чом? Бо власні тото вам поможе! І хоц дудрате, же сте уж за стары до такого, приписує през два тыжні писати три вершы на ден: рано, в полудне і вечер.

І што вы на тото? Взяли бы сте ся за вершы? Ци подумали бы сте, же то якісе циґанство такє лікуваня? Прецін вершы то не вітаміны! Як раз о тым – о терапевтичным ефекті поезиі, але і не лем о тым, бесідуєме з Анастазийом Триш з Чорткова. І слухаме єй вершів тіж…