Нова апка LEM.FM уж на Google Play і App Store!

Вчас шыроко хоснуваной діґіталізациі, коли доступ до інформаций і культуры єст на вытягніня рукы LEM.fm приносит нову якіст в медияльній ділянці лемківской соспільністы.

З новыма смартфоновыма аплікациями доступныма на Google Play i App Store. Абы-котрый з мобільком може заглубити ся в богатстві лемківского простору.

LEM.fm то проста аплікация, котра передає «лемківскій медияльний проєкт» до твого телефону. Завдякы єй функцийональности, удоступено вельо авдиций веденых перез лемківскоязычных журналистів, котры ділят ся дідицтвом і днешніма часамы лемківской достоменности. Радийо ЛЕМ.фм то сучасний центр культуры і інформаций.

Головны приметы аплікациі:

• проґрамы і музика на жыво;
• обшырна біблийотека публикаций і архівальных проґрамів, якы позволят дознати ся істориі, навчыти язык і лемківскы традициі;
• актуальна розписка авдиций;
• інформациі про лемківску соспільніст

Аплікация LEM.fm є запроєктувана при схоснуваню інтуіцийного інтерфейсу в лемківскым языку. Найдете гын проґрамы посвячены істориі, языкови, традициям і днешнім подіям, од слуховыск, перез музычны проґрамы і штоденны справы. Вшытко удоступнене в єдным місци.

LEM.fm то не лем аплікация – то ціла соспільніст. Долуч ся до інчых слухачів, котры підтримуют перше лемківскє радийо і помагают в розвитку лемківской культуры.

Інсталюйте аплікацию уж днес і слухайте нажыво лем в ЛЕМ.фм!