Дальша част текучой едициі «Rusyn Cup» в Пряшові

По парадных частях в Братиславі та Кошыцях, орґaнізация Молоды.Русины просит на дальшу част текучой едициі турніру «Rusyn Cup». Тым разом змаганя одбудут ся в центрі Пряшівской Руси – Пряшові, 6. марця т.р., од 12.00 год., при ул. Спортовій 10.

Принципы змагань не змінили ся од попередніх едиций – «Rusyn Cup» то імпреза для вшыткых любителів гальового футболю. Може ґу ній записати ся каждий, кому близка така форма спорту, але орґанізаторы заявляют, же в командах може грати максимальні трьох грачів, котры не сут Русинами. Команды можут чыслити од 5-9 грачів.

Зголошыня команд сут приниманы до 1. марця т.р., на е-майльовий адрес: rusyn.cup@gmail.com. Більше інформаций найдете за тым мотузком.

Третій річник турніру «Rusyn Cup» є кус інчий од попередніх едиций – до подіі приголосило ся більше місцевости де прожывают Русины (спомянуты уж Братислава, Кошыці і Пряшів, а плянуваны сут іщы змаганя в Нітрі), зато переможці локальных змагань авансуют до фінальной части, котра пройде на яр 2016 р. О дальшых подіях будеме Вас, як все, інформувати.