В суботу, 17. листопада/новембра 2018 р., в Пшемкові проходила ХІІ едиция Стріч Трьох Поколінь з Лемківском Культуром, што орґанізувана єст тереновым Кружком Стоваришыня Лемків, котрым веде Євген Габура.
До Пшемківского Культурного Дому на тоту шторічну подію пришло, як видно на знимках, вельо запрошеных і заприязненых гости, котры репрезентували світску державну і локальну владу, а і были медже нами тіж представникы православной Церкви. Очывидно пришли і нашы дорогы Лемкы і Лемкыні, котры репрезентували три а може і штыри поколіня выселенців з Лемковины.
Серед запрошеных артистів нашли ся ансамблі 7кропка і Розтока з Рудной та і самы ґаздове – ЛАПіТ «Ластівочка» вєдно з молодшыма Ластівчатами.
По артистичній части на гостині з лемківскым ідлом бесідувал єм з публиком, котра была зачудувана выступами наймолодшых артистів, якы сут надійом на далший розвиток лемківской культуры.
Більше знимок обізриш в ґалериі Стоваришыня Лемків за мотузком.
Коментарі