Голосник

Ганчівска церков нагороджена

Вчера познали сме лавреатів тогорічного конкурсу Задбаний Забыток. На оголошыню результатів в Жырардові, котре орґанізували спільні Народовий Інститут Дідитцва і місто Жырардів, серед участників был і о. В. Канюк, котрий одобрал нагороду в катеґориі Архітектура і деревяны конструкциі, признану ганчівскій церкви Покровы Пресвятой Богородиці за консерваторскы працы, якы причынили ся до поліпшыня технічного стану будинку, підкрисляючы історычны і артистычны аспекты церкви.

Ґратулюєме парохови о. Канюкови і вшыткым ганчівскым парафіянам.

Церков Покровы Пресвятой Богородиці збудувана в І половині ХІХ столітя на місци попередньой – старшой, яка за деякыма джерелами могла быти з ХVІІ ст. По Акциі Вісла, в роках 1947-1958, храм служыл католицкым вірным, але был в злым технічным стані. Допіро вертаючы з выгнаня Лемкы, закладаючы православну парафію, по основным ремонті святыні, вратували єй од заваліня.

Більше о фіналі конкурсу “Задбаний Забыток”: www.nid.pl

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі