«Говорить Пряшів» – пятниця, 20.00 год.

Осін на Лемковині вынятково тепла. Хто бы ся збудил з долгого сну, тот міг бы подумати, што тепер приде яр, а не зима. Но, але знаме, што приде Біла Пані і іщы встигне морозя рознести по світі.

Кєд 1. листопада/новембра мали сте вільне, та треба было піти на нашы прастары цмонтері на Лемковині. Одвидіти іх, запалити світило там, де уж нихто не зайде. Спомянути на тоты села, на тых люди, якы столітями на тій земли тырвали. Так нам треба чынити, най інчы знают, же наша памят тверда.

В «Говорить Пряшів» тіж памятают на вмерлых. В Припоминці вызвучат спомины на тых, котры нас вчыли, ховали, любили, а до шкіл посылали. Так ся зышло, што і східні церкви в ноным часі припоминают нашых вмерлых. Уж заран димитрівска субота.

Днес буде і спомин на честного Білцарівяна. В Книжници.фм почуєме вершы Нестора Репелы, твердого Лемка, якій вынятково міцно жаліл і тужыл за рідном земльом. Прокляты степы, на котры трафил, были для него невдячны. Писал про свій жаль, а при нагоді выспівувал вершом свою кохану Лемковину. Репела помер в 2002 р. Уж пришол до свого Краю.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

фот. Вікіпедия

Повязаны дописы

Польковиці 103,8 МHz
Ґорлиці 106,6 MHz