Хто знат што роблят дівчата?

В Ґладышові на Лемковині проходит власні перший табір Лемківской Едукацийной Загороды ведений через Дануту і Ваня Дзюбинів. 

Тыжневий, дармовий табір для діти і молодежы то выняткова пропозиция од Стоваришыня Руска Бурса на проведіня кінця вакаций. Під оком кваліфікуваных інструкторів, п. Дзюбинів, участникы дознают ся, як колиси жыли Лемкы на селі. В тыповій лемківскій хыжы (мезейний объєкт п. Дзюбинів) ведены сут варштаты струганя ґонтів, кручыня кычкок, кладжыня стріхы. Будут варштати вырабляня нарядя, якы нашы діды і бабы наштоден мали в хыжы ( лжыці, граблі, мітли), буде молочыня ціпами, чыщыня зерна на решеті, тканя полотна, пряджына волны, тлочыня олію в оліярни, молочыня кєратом і молотя млинцьом, вязаня снопків, пасіня коров і вельо інчых цикавых і практичных занят.

ПОЗЕРАЙТЕ НА ЗНИМКЫ З ПЕРШЫХ ДНИ ТАБОРУ (фот. Аня Копча)