Голосник

XXVIII. річник Карпатьской писанкы 2020

Вігорлатьскый музей в Гуменнім як головный орґанізатор меджінародной конкурзно-презентачной выставкы крашеный яєць Карпатьска писанка 2020, ословлює шыроку публіку, жебы взяти актівну участь на події, кота буде проходити од 12-го марца до 26-го апріля 2020-го року.

Як інформовала Яна Федічова з Вігорлатьского музею, вшыткы любителі і підпорьователі традіції крашіня яєць мають можливост авторьской презентації колекції своїх писанок зробленых традічнов або сучаснов техніков крашіня. Журі пак в рамках штатуту меджінародной конкурзно-презентачной выставкы оцінює і давать нагороды авторам в окремых віковых катеґоріях і творчіх катеґоріях.

Тогорічна выставка писанок понукать і можливость їх продаваня. В припаді інтересу выставльованя писанок і продаваня писанок мож доручіти свої колекції (на выставку максімално 10 фалатків, на продаваня не є обмеджена кількость) поштов або особно до Вігорлатьского музею до 28-го фебруара. Далшы інформації односно Карпатьской писанкы 2020 мож найти на сайті музею.

Дотеперь презентовав Вігорлатьскый музей в Гуменнім понад 23 тісяч писанок од майже 6 тісяч авторів з Чеськой репубілы, Україны, Польщі, Мадярьска, Румунії і вшыткых реґіонів Словакії.

ТЕКСТ НАПИСАНЫЙ В ПРЯШІВСКЫМ СТАНДАРДІ РУСИНЬСКОГО ЯЗЫКА


Шеруй.

О авторі

Петро Медвідь

Народженый в центрі Пряшівской Руси, в місті Пряшів. Локалпатріот. Актуалну тему з його точкы погляду мож чути каждый четверь в проґрамі Вступне до контроли о 18.10 год. Каждый робочій день од 8.00 год. мож слухати його Корзо, в котрім вас возьме до світа актуалной політікы. Контакт: petro@lem.fm

Коментарі