lem.fm - Радийо Руской Бурсы
  • Радийо
    • Заповіди проґрамів
    • Порядок высыланя
    • Cлухай нас
    • Подкаст
  • Новины
    • Вісти
    • Культура
    • Подіі
    • Фафриндя і сконфіскуване
    • Інчы
    • Сумар дня
  • Погляды
    • Коментарі
    • Рецензиі
    • Бесіды
    • З істориі
    • З архівной пресы
    • З природы
  • Архів / Archive
    • Tur Tondos
    • Bocheński
  • Склеп / Shop
    • Книжкы
    • Платні
    • Інче
No Result
View All Result

Кошык єст порожній.

lem.fm - Радийо Руской Бурсы
  • Радийо
    • Заповіди проґрамів
    • Порядок высыланя
    • Cлухай нас
    • Подкаст
  • Новины
    • Вісти
    • Культура
    • Подіі
    • Фафриндя і сконфіскуване
    • Інчы
    • Сумар дня
  • Погляды
    • Коментарі
    • Рецензиі
    • Бесіды
    • З істориі
    • З архівной пресы
    • З природы
  • Архів / Archive
    • Tur Tondos
    • Bocheński
  • Склеп / Shop
    • Книжкы
    • Платні
    • Інче
No Result
View All Result

Кошык єст порожній.

lem.fm - Радийо Руской Бурсы
No Result
View All Result

Кріза проти ідентіты

Кріза допала і на самосправы, но не є то арґумент.

Петро Медвідь Петро Медвідь
23. 2. 2023
» Коментарі

Од 1-го марца того року буде платне нове Наряджіня влады Словацькой републікы, котрым выдає ся список сел і міст, в котрых гражданы Словацькой републікы, якы належать ку народностній меншыні, творять найменше 15 процент населіня.

В практіці то значіть, же будуть наново задефінованы села і міста, котры суть меншыновы, і в котрых ся меншыновый язык хоснує і урядно. Звыкнеме о тім бісідовати як о іншталації двоязычных таблічок з назвов села або міста, але коло таблічок то не кінчіть.

В такім селі або місті мають быти двоязычно означены і публічны будовы, наприклад сельскый уряд, дім културы. А суть і далшы законны обовязкы, што мусить такый населеный пункт забезпечовати двоязычно.

Русины собі вдяка списованям жытелів, в котрых конштантно росли, поліпшыли. Подля нового наряджіня уж то не буде 66 але 154 „таблічок“ на Словакії, котры будуть означовати, же ту жыють Русины і їх язык є ту і урядный. Ку дотеперь єдиному місту – Меджілабірцям, прибуде і Свідник, котрый буде „русиньскый“.

Мало іти о поліпшіня про Русинів, але подакотры одказы старостів тых сел, котры прибыли як новы до того списку, до середовиска русиньского возродного руху, нам скоріше припоминають, як кебы сьме зробили дашто плане. Бо люди ся записали за Русинів, і они теперь будуть мати клопоты.

Арґументом при тім часто є і то, же одкыль на то взяти грошы, навеце теперь, кедь є така кріза, і мусить ся раховати кажде евро в розрахунку самосправы.

Самособов, суть справы, котры суть ясны і зрозумілы. Нихто не спохыбнює складну сітуацію словацькых самосправ. Зачало то пандемічнов крізов з величезныма вытратами на наряджіня влады, котры мали помочі при боротьбі з хворотов, і котры влада часто радо зохабила на плечах самосправ.

Продовжує то фінанчнов крізов, зачатком войны, і вшыткым з тым повязаным підниманьом цін, головно за енерґії. А не можеме забыти ани на далшый владный „подарунок“ самосправам, кедь такзаваный родинный паклик влада зафінанцовала так, же взяла грошы самосправам.

Тото вшытко є реаліта, котра має аж катастофічны дослідкы про села і міста. Не мусиме быти найуспішнішым абсолвентом IQ тесту, жебы сьме зрозуміли, же кедь днесь грошы бракують і великым містам ці селам, малы села суть тісно перед або уж в клінічній смерти. А хоць влада обіцять рішіня, селу треба жыти каждый день і платити за енерґії і службы такой теперь.

А так само не мусиме быти наймудрішы з родины, жебы знати, же русиньскы села на Словакії належать, з пару вынятками, векшыново ку тым малым, або найменшым. Значіть, днесь фінанчно найогроженішым.

Покля іде о означіня сельского уряду ці іншой публічной будовы, закон не приказує, же то має быти золотыма буквами на чорнім мраморі.

Покля ся на тоты вшыткы арґументы посмотрить незаінтересованый, пак бы може і повів, же правда на боці старостів. Тадь треба фунґовати селу, а не таблічкы давати. Лемже фінанчны арґументы суть при вшыткій почливости, і при вшыткім зрозуміню тяжкой економічной сітуації, дакус мімо.

Покля бісідуєме о двоязычных означінях сел, вступы і выступы до нашых сел, аж на пару вынятків, суть на драгах другой класы, зато тоты означіня не фінанцує і не іншталує село, але справця драг. Значіть, якы клопоты і вытраты? Покля іде о означіня сельского уряду ці іншой публічной будовы, закон не приказує, же то має быти золотыма буквами на чорнім мраморі. Старчіть пластікова таблічка, і цілы вытраты на такы означіня публічных будов будуть в десятках евр.

Села не мусять ани давати робити переклады за свої фінанції. Вшытко основне, што треба ку реалізації закона в практіці, вже переложено є. Навеце уряд уповномоченого про народностны меншыны каждому безплатно дає методічну поміч або контакт, де што мож дістати, лем треба мати інтерес.

Значіть, досправды ся бавиме, і кедь розумієме фінанчній сітуації самосправ, о тім, же тото суть далшы фінанчы клопоты?

Кріза допала і на самосправы, но не є то релевантный арґумент односно реалізації языковых прав народностных меншын. Навеце, тоты вытраты, котры з тым самосправа буде мати, не суть вытраты, котры ся будуть повторяти каждый місяць ці каждый рік. Словацьку таблічку на сельскый уряд так само не давають робити каждый місяць.

Заанґажованым в русиньскім русі не є треба шыроко поясняти, кілько старостів, якыма способами підтримують русиньску ідентіту, кілько актівно залучіло ся до кампані перед списованьом людей. На другім боці тоты самы старостове хотять, жебы пришли грошы на русиньскый фестівал, на театер з меншывого фонду.

Значіть, добрі знають, в якім селі кандідовали за старосту, якы люди там жыють, кого суть „владарями“. Уж бракує лем єдно, жебы то, якы люди там жыють, повно акцептовали нелем при ґрантах на акції, але забезпечіли їм і реалізацію ґарантованых языковых прав. Кріза не може быти знеужыта проти ідентіты.

Знаме, же у многых є то днесь кріза, вчера то было дашто інше, а завтра ся так само дашто найде, чом лем не мати „русиньскы клопоты“.

Статя была написана як коментарь „Вступне до контроли“ лемківского радія lem.fm. Жрідло фотоґрафії: Pixabay.com.

ТЕКСТ НАПИСАНЫЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

ShareTweet

Повязаны дописы

Шпіоны і домашня задача

15. 5. 2025

80 років по або підкарпатьска дефінітіва

8. 5. 2025
Польковиці 103,8 МHz
Ґорлиці 106,6 MHz

Łemkowie są…

  • Ruska Bursa / Руска Бурса
  • Nadawca / Про наше радийо
  • Cyfrowa Biblioteka RB / Діґітальна біблiотека РБ
  • Знимкы
  • Контакт
lem.fm - Радийо Руской Бурсы
Радийо Руской Бурсы
Руска Бурса

Publikacja wyraża jedynie poglądy autora/ów i nie może być utożsamiana z oficjalnym stanowiskiem Ministra Spraw Wewnętrznych i Administracji.
Публикация выражат лем погляды автора/авторів і не може быти принимана як офіцияльне становиско Міністра Внутрішніх Справ і Адміністрациі.
Zrealizowano dzięki dotacji Ministra Spraw Wewnętrznych i Administracji.
© Copyright lem.fm, 2025. Вшыткы права застережены.

No Result
View All Result
  • Радийо
    • Заповіди проґрамів
    • Порядок высыланя
    • Cлухай нас
    • Подкаст
  • Новины
    • Вісти
    • Культура
    • Подіі
    • Фафриндя і сконфіскуване
    • Інчы
    • Сумар дня
  • Погляды
    • Коментарі
    • Рецензиі
    • Бесіды
    • З істориі
    • З архівной пресы
    • З природы
  • Архів / Archive
    • Tur Tondos
    • Bocheński
  • Склеп / Shop
    • Книжкы
    • Платні
    • Інче
Manage Consent
To provide the best experiences, we use technologies like cookies to store and/or access device information. Consenting to these technologies will allow us to process data such as browsing behavior or unique IDs on this site. Not consenting or withdrawing consent, may adversely affect certain features and functions.
Functional Always active
The technical storage or access is strictly necessary for the legitimate purpose of enabling the use of a specific service explicitly requested by the subscriber or user, or for the sole purpose of carrying out the transmission of a communication over an electronic communications network.
Preferences
The technical storage or access is necessary for the legitimate purpose of storing preferences that are not requested by the subscriber or user.
Statistics
The technical storage or access that is used exclusively for statistical purposes. The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
The technical storage or access is required to create user profiles to send advertising, or to track the user on a website or across several websites for similar marketing purposes.
Manage options Manage services Manage {vendor_count} vendors Read more about these purposes
View preferences
{title} {title} {title}