В суботу, 7. лютого/фебруара, в Шпротавскым Центрі Культуры одбыл ся верифікацийний концерт ансамблю Стоваришыня Лемків “Ластівочка”  о цертифікат CIOFF.

Задача тота не была легка дла членів ансамблю. Ансамбль оціняний был през професийныx академіків з Ряшова – членів польской секциі CIOFF, орґанізациі признаючой цертифікат, за презентуваний артистычний рівен, але барз важна є тіж автентичніст проґраму. CIOFF репрезентуваний  был през комісию, котру творили Аліция Косьцьолек-Русін (ґеоґраф і фольклориста) і Єжы Дыня (музык і фольклориста).

На пару минут до початку концерту сaля Центра Культуры была полна. Концерт зачал Андрий Переґрим (єст звязаний з “Ластівовчком” вельо років) од привитаня гости і предовшыткым комісиі CIOFF. В своій промові представил проґрам вечернього концерту і омовил коротко культуру і єй історычно-ґеорафічний фон.

По тым, пришол час першой части концерту, а были ньом “Лемківскы очепины”. То автентычна, не стилізувана інсценізация, што значыт, же єй обряды, выконаня і іx порядок одтворений єст на основі записів, в тым припаді з перелому ХІХ і ХХ столітя. Ведучы “Ластівочкы” рішыли, же треба зачати поґрам як раз од того, тым більше, же “Лемківскы очепины” были доцінены уж в 2013 році – Ластівочка отримала за них бронзовий топорец на 45. Медженародным Фестівали Фольклору Гірскыx Земель в Закопаным. Істотным і цікавым аспектом той інсценізациі є факт, же брали в ній участ молоды і старшы члены ансамблю і вшыткы прекрасні грали своі роли, а при тым – як было видно – добрі ся бавили.

В другій части концерту нашли ся танці і пісні в стилізуваныx аранжацияx, выконуваны в векшости молодшыма членами ансамблю.

Рівен цілой поіді могучо звекшыла капеля, яка грала в вынятково добрым складі. До першой части грали лем гудакы на смыковыx інструментаx, жебы оддати як найбарже автентычну форму лемківского весільного обряду. В другій части концерту до капелі долучыли іщы 3 акордеоны.

Закінчыня концерту принесло “Ластівочці” горячы оплескы на стоячо і ґратуляциі од місцевыx політиків і ведучого Стоваришыня Лемків Андрия Копчы.

Через спільну тяжку роботу членів і кєрівництва ансамблю, проведену на вельох пробаx, Ластівочка – опінійом експертів – отримала вымрияний цертифікат CIOFF.

Ґратулюєме і желаме дальшых успіхів.

В суботу, 7. лютого/фебруара, в Шпротавскым Центрі Культуры одбыл ся верифікацийний концерт ансамблю Стоваришыня Лемків “Ластівочка”  о цертифікат CIOFF.

Задача тота не была легка дла членів ансамблю. Ансамбль оціняний был през професийныx академіків з Ряшова – членів польской секциі CIOFF, орґанізациі признаючой цертифікат, за презентуваний артистычний рівен, але барз важна є тіж автентичніст проґраму. CIOFF репрезентуваний  был през комісию, котру творили Аліция Косьцьолек-Русін (ґеоґраф і фольклориста) і Єжы Дыня (музык і фольклориста).

На пару минут до початку концерту сaля Центра Культуры была полна. Концерт зачал Андрий Переґрим (єст звязаний з “Ластівовчком” вельо років) од привитаня гости і предовшыткым комісиі CIOFF. В своій промові представил проґрам вечернього концерту і омовил коротко культуру і єй історычно-ґеорафічний фон.

По тым, пришол час першой части концерту, а были ньом “Лемківскы очепины”. То автентычна, не стилізувана інсценізация, што значыт, же єй обряды, выконаня і іx порядок одтворений єст на основі записів, в тым припаді з перелому ХІХ і ХХ столітя. Ведучы “Ластівочкы” рішыли, же треба зачати поґрам як раз од того, тым більше, же “Лемківскы очепины” были доцінены уж в 2013 році – Ластівочка отримала за них бронзовий топорец на 45. Медженародным Фестівали Фольклору Гірскыx Земель в Закопаным. Істотным і цікавым аспектом той інсценізациі є факт, же брали в ній участ молоды і старшы члены ансамблю і вшыткы прекрасні грали своі роли, а при тым – як было видно – добрі ся бавили.

В другій части концерту нашли ся танці і пісні в стилізуваныx аранжацияx, выконуваны в векшости молодшыма членами ансамблю.

Рівен цілой поіді могучо звекшыла капеля, яка грала в вынятково добрым складі. До першой части грали лем гудакы на смыковыx інструментаx, жебы оддати як найбарже автентычну форму лемківского весільного обряду. В другій части концерту до капелі долучыли іщы 3 акордеоны.

Закінчыня концерту принесло “Ластівочці” горячы оплескы на стоячо і ґратуляциі од місцевыx політиків і ведучого Стоваришыня Лемків Андрия Копчы.

Через спільну тяжку роботу членів і кєрівництва ансамблю, проведену на вельох пробаx, Ластівочка – опінійом експертів – отримала вымрияний цертифікат CIOFF.

Ґратулюєме і желаме дальшых успіхів.