I Лемківскій Подорожничий Фестіваль
LEMtravel то I Лемківскій Подорожничий Фестіваль, што пройде 12.-13. мая 2018 рока в Рускій Бурсі в Ґорлицях. Буде то перша того рода стріча на обшыри Низкого Бескіду.
Через два дни буде мож слухати інтересуючых оповісти зо світа, познати великых і менчых породожників, дати ся заразити пасийом до вандруваня, одкрываня і досвідчаня нового. А вшытко буде і по лемківскы, і по польскы.
Думкодавцьом і реалізатором проєкту LEMtravel є Стоваришыня Руска Бурса в Ґорлицях. При помочы і фінансовій підпорі Бургомайстра Міста Ґорлиці, Стоваришыня зорґанізує перший двоязычний подорожничий фестіваль в Польщы. Ведучым ансамблю орґанізаторів є Якуб Зиґмунт.
Коли хочеш быти вольонтером на Лемківскым Подорожничым Фестівали або працуєш в місци, котре могло бы підтримати LEMtravel як медияльний партнер або спонсор – одозвий ся до нас, найліпше послати майля до: jakub.zygmunt@ruskabursa.org.
Не може Вас бракнути! Вступне дармо.
Повязаны дописы
Ґорлиці 106,6 MHz
Łemkowie są…
Коментарі