Лемкы в каждым кутику світа будут баткати писанкы
Традиция батакня яєц є для Лемків необхідном при нагоді великодніх свят, а же они уж о хвилю, то в вельох місцях і містах орґанізуваны сут варштаты малюваня яєц. В декотрых частях світа єст уж по такых варштатах.
Як першы зачали рыхтувати великодні писанкы Русины в Зъєднаных Штатах Амерыкы. Там, 14. марця, в Йонкерс (в штаті Новий Йорк) попри церкви св. Михала проходили варштаты малюваня яєц під інструктажом Варвары Барны Андруско (орґанізатором стрічы была Орґанізация Обороны Лемківщыны).
А де іщы буде мож побаткати?
- 22. марця од 14.30 год. в Свиднику одбуде ся конкурс Писаня великодных писанок традічнов і нетрадічнов техніков. Більше чытайте за мотузком;
- 27.-29. марця во Львові буде мал місце VII Всеукраіньскій Фестіваль-Конкурс Лемківска Писанка орґанізуваний Фундацийом Досліджыня Лемківщыны;
- 5. квітня, традицийні уж, в Квітну Неділю, од 15.00 год. в Рускій Бурсі будут проходити шторічны варштаты малюваня яєц.
Кєд знате, же іщы даде буде мож навчыти ся малювати яйця – дайте нам знати, радо о тым повідомиме.
А для інспирациі долов презентуєме писанкы авторства Андрия Малецкого, якій, як все, попровадит варштаты в Рускій Бурсі.
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
