Того рока матуральны еґзаміны зачали ся 4. мая. Посеред них, для охочых писати матуральну працу з меншыновых языків, од 2013 р. Центральна Еґзамінацийна Комісия рік-в-рік рыхтує темы з лемківского языка. Знаме уж зміст полного матурального аркуша, котрий заміщений єст в сіти.
Як писали сме на портали lem.fm, 23. мая 2018 рока в Польщы прошол наступний матуральний іспыт з лемківского языка. То єден з предметів, котры абітуриєнты могли выбрати, жебы узыскати свідоцтво дозрілости. Послідні в матуральным календари были еґзаміны з чужых языків та языків нацийональных меншын.
До матуры з лемківского языка приступил того рока лем єден (з двох зголошеных) учеників. То Данько Стариньскій з Ліґниці. Выбрал він тему аналізы тексту Нестора Репелы Жый так, як я вчу, а не так – як я жыю. На другу до выбору тему аркуша зложыли ся два вершы – Петра Мурянкы До Краю ненароджыня і Богдана Ігоря Антонича Поворот в перекладі на лемківскій язык, котрых мож было зробити порівнуючу аналізу і інтерпретацию.
Тогорічны матуральны аркушы з лемківского языка мож стягнути за тым мотузком.
Коментарі