Надія і ЛемОН на єдній сцені!

21. мая на єдній сцені заграют два ансамблі, якы справляют, же лемківска музыка то не лем фольк і фольклор, але то музыка, яка сміло може істнувати і на професийным попово-роковым рынку. Надія і ЛемОН выступлят на сулехівскым рынку в рамках Днів Сулехова. Сулехів то місто, якє находит ся в любушскым воєвідстві в зеленогірскым повіті.

Ґрупа Надія в своім репертуарі мат народны, але і авторскы співанкы писаны по лемквіскы, украіньскы, тіж по польскы. В співанках одкликуют ся до вельох славяньскых культур, понеже самы члены аснамблю репрезентуют ріжны меншыны. Грают приємну, скочну, легко впадаючу в ухо музыку. В співанках мішают фольк з роком, музыком ска, ачий реґе, зато ідеальні надают ся на вакацийну свободу, як і на осіннє планне настроіня .

В ансамблі Надія початком співал тіж Ігор Гербут – лідер ЛемОНа, головной звіды тогорічных Днів Сулехова. Ансамбль бравурово выграл єден з польскых проґрамів талант-шоу, презентуючы авторскы, ліричнo-роковы співанкы – вшыткы по лемківскы. Тепер, колы ґрупа єст топовым попово-роковым ансамбльом в Польщы, з тисячами концертів, десятками тисячів проданых кружків, сотками тысячів любительок і любителів та мілийоновыма одкрытями на сайті youtube, ансамбль на каждій платни все шмуґлює дакы лемківскы фраґменты, а Ігор єст бодай найпопулярнійшым амбасадором лемківской культуры серед молодого поколіня.

Фот. горі: промоцийны материялы ансамблю ЛемОН